Mariya Emanuel Rayan, DDS, PhD Colgate-Palmolive şirkətində vitse-prezident və baş stomatoloq kimi fəaliyyət göstərməklə yanaşı, burada klinik stomatologiya və dermatologiya, məlumatların idarə edilməsi, elmi məlumatlar və biohəllər şöbələrinə nəzarət və rəhbərlik edir. Dr. Rayan əvvəllər tədris, klinik praktika və tədqiqat işlərində fəal iştirak etdiyi Stoni Bruk Universitetində Ağız boşluğunun Biologiyası və Patologiyası Bölməsinin professoru və sədri vəzifələrində çalışıb. O, Amerika Dental Tədqiqatlar Birliyinin (AADR) keçmiş sədridir. Dr. Rayan NIH Milli Tədqiqat Xidməti Mükafatları və Elmi Həkim Mükafatı daxil olmaqla, bir çox mükafatların laureatıdır. O, Nyu-York Ştatı Diş həkimliyi Cəmiyyəti tərəfindən Yeni Diş həkimliyi üzrə Liderlik Mükafatı ilə yanaşı, Amerikan Diş Həkimləri Birliyi tərəfindən də mükafata layiq görülüb. Dr. Rayanın qadınların sağlamlığı mövzusundakı təhsil və araşdırma səyləri təqdir edilmiş və o, 2010-cu ildə Almaniyanın Berlin şəhərində "Victress Health" Mükafatına layiq görülmüş ilk şəxs olmuşdur. Dr. Rayan Stoni Bruk Diş Həkimliyi Fakültəsini fərqləndirmə ilə bitirərək Drexel Universiteti Tibb fakültəsinin Hedviq van Ameringen Akademik Tibb Proqramında İdarəetmə Liderliyi (ELAM) üzrə üzvü olmuşdur. Dr. Rayan milli və beynəlxalq səviyyədə tanınan spiker və yazıçıdır. O, stomatoloqların optimal və ümumi sağlamlıq xidmətinin təmin edilməsindəki rolunu müzakirə etmək üçün bir çox media qurumunda çıxış edib.

Dr. Latonya Kilpatrik-Liverman Colgate-Palmolive şirkətində biohəllər və klinik metodlar şöbəsinin rəhbəridir. Latonya və komandası çevrilmə modellərinin hazırlanmasından, sağlamlıq və xəstəliklə əlaqəli biomarkerlərin müəyyən edilməsindən və dəri və ağız boşluğundakı dəyişiklikləri daha dəqiq qiymətləndirmək üçün yeni klinik metodların yaradılmasından məsuldur. Dr. Latonya dəri və ağız boşluğunun biologiyasını araşdırmaq sahəsində 25 ildən artıq təcrübəyə sahibdir. Bir neçə patentin, kitab fəslinin və elmi məqalənin müəllifidir, "International Journal of Cosmetic Science" jurnalında Redaksiya Heyətinin Məsləhət Şurasının, Rutgers Universitetində Kimyəvi və Biyokimyəvi Sənaye üzrə Məsləhət Şurasının və Rutgers Universiteti Biomateriallar Simpoziumunda Məsləhət Şurasının üzvü olmuşdur. Dr. Latonya uşaqların erkən yaşlardan elmlə məşğul olmasının vacib olduğunu hesab edir. O, Colgate-Palmolive, Amerikan Kimya Cəmiyyəti və müxtəlif icma qrupları tərəfindən maliyyələşdirilən, təhsilə əsaslanan bir sıra təbliğat proqramlarında könüllü kimi iştirak etmişdir. Dr. Kilpatrik-Liverman həmişə bilik və təcrübəsini paylaşmaqdan zövq alır. Latonya Kimya üzrə bakalavr təhsilini Hempton Univeristetində, Kimya üzrə doktorantura təhsilini isə Prinston Univeristetində tamamlayıb.

Dr. Yun-Po Can, Colgate-Palmolive-in fəxri əməkdaşıdır (vitse-prezident vəzifəsində). Qlobal ağız sağlamlığı biznesini dəstəkləyən stomatoloji tədqiqat proqramlarına görə əsas məsuliyyəti üzərinə götürüb. Dr. Can Kolumbiya Universiteti Biznes Məktəbinin Entrepreneurial Sounding Board (Sahibkarlıq üzrə Məsləhət Şurası) Proqramında məsləhətçi və Harvard Universitetinin tədqiqat təşkilatı olan Foresight İnstitutunda adyunkt vəzifəsinə təyin olunub. Dr. Can kariyesin qarşısının alınması sahəsində üç ABŞ patentinə sahibdir. Üç kitabın müəllifidir və beynəlxalq elmi jurnallarda 180-dən çox məqaləsi dərc olunub. Dəfələrlə beynəlxalq elmi toplantılara məruzəçi kimi dəvət edilmiş və bəzi tədbirlərdə əsas məruzəçi olaraq çıxış etmişdir. Dr. Can Dental Araşdırmalar Jurnalının, AADR Təqaüd Komitəsi və IADR Mükafat Dəyərləndirmə Komitəsinin redaksiya şurasında çalışmışdır. O, hazırda AADA Komissiyasının üzvüdür və ortaq AADR/IADR Nəşriyyat Şurasında vəzifəsini yerinə yetirir. Dr. Can bu illər ərzində çoxsaylı mükafatlar alıb. O, ADA-nın Fəxri Üzvü seçilmiş, AADR Təqaüdçüsü adına və Nyu-Yorkdakı Asiya-Amerika Biznes İnkişaf Mərkəzinin Ən Yaxşı 50 Asiya Mənşəli Amerikalı Biznes Mükafatına layiq görülmüşdür. Dr. Can Northeastern Universitetində Fizika və Kimya üzrə doktorluq dərəcəsinə sahibdir və doktoranturadan sonra təhsilini tamamlayaraq Forsayt/Harvard Stomatologiya fakültəsində ağız boşluğunun biologiyası üzrə bəzi vəzifələrdə çalışıb. Bundan əlavə, Pensilvaniya Universiteti nəzdindəki Uorton Biznes Məktəbində idarəetmə üzrə MBA təhsili almış və fərqlənmə ilə Çinin Dalyan Tibb Universitetində diş elmləri doktorluğu təhsilini tamamlamışdır. Həmçinin Dr. Can Harvard Biznes Məktəbinin Əsl Liderlik Proqramından da sertifikat əldə edib.

Dr. Cim Masters hazırda Ağız boşluğuna qulluq üçün Bioloji Tədqiqatın ilkin mərhələsinə rəhbərlik edir. Cim və komandası araşdırmaları ilə Colgate Palmolive-in qlobal Ağız Boşluğuna Qulluq iş portfoliosunu dəstəkləyən yumşaq toxuma və səthlərin fiziki-kimyəvi xüsusiyyətləri ilə əlaqəli əsas yenilik proqramlarından məsuldur. Cim 25 ildən artıq təcrübəyə malikdir və həm ağız boşluğuna qulluq, həm də şəxsi gigiyena kateqoriyalarında tədqiqat qruplarına aktiv şəkildə rəhbərlik etmişdir. Son zamanlar onun tədqiqatlarının əsas mövzusu dərinin fiziologiyası və tərləmə, dərinin və ağız boşluğunun mikroflorası, həmçinin bakteriya ilə insan orqanizminin qarşılıqlı təsirini öyrənməkdir. Bu tədqiqatlar ilkin mərhələlərdə xəstəliyin aradan qaldırılmasına və insanların diş sağlamlığının yaxşılaşdırılmasına kömək etmək məqsədilə həyata keçirilir. Dr. Masters bir neçə kitab fəslinin və beynəlxalq elmi jurnallarda çoxsaylı məqalələrin müəllifidir. 55-dən çox ABŞ patentinə sahibdir. Uzun müddət Beynəlxalq Standartlaşdırma Komitəsinin Amerika Ağız Boşluğuna Qulluq üzrə Məşvərət Qrupunun üzvü olub. Dr. Masters Kimya Elmləri üzrə bakalavr təhsilini Skranton Universitetində, Qeyri-üzvi/Polimerlər Kimyası üzrə doktorantura təhsilini isə Pensilvaniya Universitetində tamamlayıb.

"Xanım Katalina Monroy Colgate-Palmolive şirkətinin qlobal direktorudur və istehlakçıların məhsullarımızdan maksimum dərəcədə faydalanmasına kömək etmək üçün premium dadlar və ətirlər hazırlamaqdan və seçməkdən məsul olan şöbəyə rəhbərlik edir. Monroy və komandası Ağız boşluğuna qulluq, Evdə qulluq və şəxsi gigiyena üçün nəzərdə tutulmuş bütün Colgate-Palmolive markaları üçün dad və ətirlər hazırlayıb təklif etməklə Colgate-in Qlobal Araşdırma və İnkişaf üzrə qrupuna kömək edir. Bir çox uğurlu məhsul Monroyun rəhbərliyi və komandasına təqdim etdiyi biliklər sayəsində ictimaiyyətə təqdim edilib. Dad və ətir komandası rəhbəri olaraq Katalina Marketinq, Müştəri rəyləri və Məhsulun inkişafı komandaları ilə yaxından əməkdaşlıq edir, müştərilərin Colgate-Palmolive məhsullarının uğur əldə etməsində dad və ətirlərin rolunu anlamasına kömək edir. Katalina ətir sənayesindəki 25 illik təcrübəsi ilə 2015-ci ildə Colgate-ə qatıldı. Sonuncu iş yeri Firmenich şirkətində olub. 2011-ci ildən etibarən Firmenich şirkətinin Nyu-York, Plainsborodakı ABŞ şöbəsində Şimali Amerika və Latın Amerikasında Ağız qulluğu sahəsində Dadlandırma üzrə aparıcı mütəxəssis kimi çalışmışdır. Burada diş məcunları və ağız yaxalayıcıları üçün nanə aroması ilə bağlı təcrübəsini inkişaf etdirib. Colgate-ə dadla bağlı dəstək verən aparıcı mütəxəssisdir. Monroy işinə həvəslə yanaşır və müxtəlif peşə və mədəniyyətlərin nümayəndələri ilə asanlıqla ümumi dil tapır və bu da bütün iş ortaqları ilə güclü əlaqələr qurmasına kömək edir. Təcrübəsini məmnuniyyətlə gənc həmkarları ilə bölüşür və onları uğur qazanmaq üçün səylərini əsirgəməməyə səsləyir.

"Dr. Bayardo Qarsiya Qodoy hal-hazırda Colgate-Palmolive-in Qlobal Texnologiya Mərkəzində Ağız Qulluğu üzrə Klinik Tədqiqatlarda Baş Tədqiqatçı işləyir. Dr. Qarsiya Qodoy məlumatların idarə edilməsi sistemlərində, protokolların hazırlanmasında, əlyazmaların hazırlanmasında və redaktə edilməsində, təcrübəyə əsaslanan konsepsiya sübutlarının hazırlanmasında, bazara çıxarılmadan əvvəl və sonra klinik təhlükəsizlik və effektivlik tədqiqatlarında iştirak edir. Protokolların hazırlanaraq yerli və beynəlxalq bioetika komissiyalarına təqdim edilməsi, könüllü tədqiqat iştirakçılarının işə qəbulu, məlumatlı razılığın alınması və təlimatlandırılması, tədqiqat iştirakçılarının protokola uyğun şəkildə tədrisi, sənədlərin düzgün işlənməsi, sınaq araşdırması materiallarının saxlanması, paylanması və atılması kimi proseslərdə iştirak edir.

Bundan əlavə, Dr. Qarsiya Qodoy daxili klinik proqramlara rəhbərlik edir və klinik müayinələrin aparılmasında, nəticələrin sənədləşdirilməsində, təhlükəsizlik məlumatlarının və dərmanların əks təsirlərinin qeyd edilməsində və maliyyələşdirmə agentlikləri və tənzimləyici qurumlara dəqiq tədqiqat sənədlərinin təqdim edilməsində peşəkarlıq nümayiş etdirir. Bütün bu işləri təsdiq olunmuş tədqiqat protokollarına, federal qanunlara və maliyyələşdirmə agentliklərinin qaydalarına uyğun aparır".

Dr. Payal Arora hazırda Ağız Boşluğuna Qulluq Məhsullarının İlkin Tədqiqat şöbəsində işləyir. Komandası ilə birlikdə müştərilərin xüsusi ehtiyaclarına cavab verən, ağız boşluğuna fərdi və qüsursuz qulluq həlləri yaratmaq üçün yenilikçi təbii texnologiyalar portfoliosu/xətti yaratmaqdan məsuldur. Qlobal komandalarla əməkdaşlıq etmək onun əsas vəzifələrindən biridir. Məqsədi isə müxtəlif bölgələrdə istifadə olunan ənənəvi təbii inqrediyentlərin təsir mexanizmlərini aydınlaşdırmaq və bu cür inqrediyentləri yeni, qeyri-adi xüsusiyyətlərə malik unikal məhsulların tərkibinə daxil etməkdir. Dr. Arora tədqiqat və inkişaf üzrə 18 illik təcrübəyə malikdir və əczaçılıq şirkətlərində (Roche və Janssen) sistematik xəstəliklər, şəkərli diabet, regenerativ tibb və virusların öyrənilməsi sahəsində geniş təcrübə qazanıb. Dünyanın ən nüfuzlu elmi jurnallarında 16 nəşrin müəllifidir və bir çox patentə sahibdir. Dr. Arora Hindistanda Molekulyar Biologiya və Biotexnologiya üzrə doktorluq dərəcəsini, Cənubi Koreya və ABŞ-da isə Virusologiya və Onkologiya üzrə doktorantura sonrası təqaüd proqramını tamamlamışdır.

"Dr. Venda Porter Meloni hazırda Qlobal Terapevtik Ağız Boşluğuna Qulluq Vasitələrinin Hazırlanması komandasına rəhbərlik edir. Meloni və komandası diş lövhəsi, diş daşı, ağız qoxusu və diş əti iltihabı kimi xəstəliklərin qarşısını alaraq ağız boşluğu sağlamlığını yaxşılaşdırmaq üçün yenilikçi məhsullar hazırlayır. Məhsulun hazırlanması prosesi həm inqrediyentlərlə bağlı sabit çatdırılma sisteminin yaradılmasını, həm də insanların istifadə edərək həqiqətən zövq aldığı elementlərin məhsulun tərkibinə daxil edilməsini əhatə edir. Dr. Porter Meloni 2007-ci ildə Colgate-də karyerasına Colgate Total diş məcunu üçün yeni terapevtik texnologiyalar üzərində tədqiqatçı kimi başladı. Max White Optic Instant ağardıcı diş məcunu, Optic White diş məcunu, Plax ağız yaxalayıcısı və Colgate Total diş məcunu da daxil olmaqla, bir çox yenilikçi məhsulun inkişafında rol oynayıb. Venda Colgate-də işlədiyi illər ərzində bir sıra məqalələrini elmi jurnallarda dərc etdirmiş, beynəlxalq konfranslarda iştirak etmiş və 20-dən çox ABŞ patenti almışdır. Dr. Porter Meloni Fizika və Kimya Elmləri üzrə bakalavr təhsilini Hemlayn Universitetində, Fizika və Kimya üzrə Doktorluq dərəcəsini isə Massaçusets Texnologiya İnstitutunda alıb".

Dr. Culiana Qomez Colgate-Palmolive-in Piskataueydəki Qlobal Texnologiya Mərkəzində Klinik Metodlar Şöbəsində işləyir və burada yeni nəsil məhsullar, metodlar və cihazlar yaratmağı əhatə edən insan üzərində klinik sınaq proqramlarına rəhbərlik edir. Həm də bu klinik araşdırmaların planlaşdırılması, başladılması, monitorinqi, hesabatı və məlumat təhlili üçün məsuliyyət daşıyır. Peşəkar fəaliyyəti qabaqcıl diaqnostika metodları, dişlərin ağardılması, xəstələrin rəyləri, ictimai sağlamlıq ilə bağlı təşəbbüslər və stomatoloji yeniliklərə yönəlib. Dr. Qomez Fransada Uşaq Diş Həkimi ixtisaslaşması ilə Stomatoloji Cərrahiyyə üzrə doktorluq dərəcəsinə, İngiltərədə isə İctimai Sağlamlıq ixtisaslaşması ilə Dental Tibb üzrə Fəlsəfə Doktoru dərəcəsinə yiyələnib. Bu illər ərzində çoxsaylı araşdırma nəşrlərinin müəllifi olmuş və kariyes, diş minasının eroziyası, flüoroz və diş əti iltihabı ilə yanaşı, Stomatologiyada floresans, statistik analiz və klinik tədqiqatlarda idarəetmə sahəsində geniş təcrübə qazanmışdır. Fəaliyyəti nəticəsində Texnologiyada Qlobal Uğur mükafatına layiq görülüb (2017 və 2020-ci illərdə).

Dr. Şira Pilç Ağız Boşluğuna Qulluq üzrə İlkin Tədqiqat proqramının rəhbəridir. Dr. Şira və komandası, əsasən, sərt toxumalar və maddələrin aktiv çatdırılma metodlarına yönəlmiş geniş tədqiqat proqramlarından (təbiət elmi daxil olmaqla) məsuldur. Dr. Pilç Ağız Boşluğuna Qulluq üzrə fəaliyyət göstərdiyi 20 ildən artıq müddət ərzində İlkin Tədqiqatlar, Məhsulların İnkişafı, Tətbiqi və Dəstəyi kimi müxtəlif sahələrdə təcrübə qazanıb. Colgate-də işlədiyi müddət boyunca o, peşəkar və istehlak bazarlarında ağız boşluğuna qulluğun üstünlüklərini göstərən bir sıra yenilikçi texnologiyaya öncüllük edib. Dr. Pilç bir neçə kitab fəslinin və elmi jurnallarda çoxsaylı məqalənin müəllifidir və 20-dən çox ABŞ və beynəlxalq patentə sahibdir. Şira hal-hazırda Beynəlxalq Standartlaşdırma Təşkilatının Amerika Texniki Məsləhətçilər Qrupunun səsvermə hüququ olan üzvüdür. Dr. Pilç Kimya Elmləri üzrə bakalavr təhsilini fərqlənmə ilə Sinxua Universitetində və Biofiziki Kimya üzrə doktorantura təhsilini isə Rutgers Universitetində tamamlayıb.

"Dr. Kaetan Doqo hazırda Colgate-in qlobal ağardıcı məhsullar çeşidini genişləndirmək məqsədilə yeniləmələr həyata keçirdiyi Ağız Boşluğuna Qulluq üçün Ağardıcı Məhsulların Hazırlanması Şöbəsində işləyir. Dr. Doqonun vəzifə öhdəliklərinə təsirli formulalar yaratmaq, qeyri-adi istehsal tələblərini müəyyənləşdirmək və dəstəkləmək də aiddir. Dr. Kaetanın kiçik molekul sintezi, kataliz və biokimya sahəsindəki təcrübəsi diş ağartma məhsullarının inkişafına misilsiz bir töhfə verməsini təmin etdi. Bir çox məhsulun yaradılmasında iştirak etmiş və dişlərdəki ləkələrlə bağlı əsasları öyrənmək üçün proqrama rəhbərlik etmişdir. Eləcə də, bu sahədəki geniş məlumatları ilə yüksək keyfiyyətli diş ağartma formullarımızı fərqli şəkildə çatdırmaq üçün yanaşmalar hazırlayıb. Dr. Doqo doktorluq dərəcəsiniCons Hopkins Universitetində, bakalavr dərəcəsini isə Koppin Dövlət Universitetində alıb. 2013-cü ildə Colgate şirkətinə qoşulmazdan əvvəl Milli Sağlamlıq İnstitutunda HİV hüceyrəsinin insan bədəninə daxil olmasının qarşısını almaq mövzusunda doktorantura sonrası araşdırmasını həyata keçirib. Dr. Doqo biologiya və kimya elmləri üzrə 12 elmi məqalənin həmmüəllifidir".

Dr. Cosef Stil Təbiət Elmləri üzrə İlkin Tədqiqat Bölməsində Tədqiqatçı kimi fəaliyyət göstərir. Biomateriallar və Qabaqcıl Çatdırılma Metodlarının Tədqiqatı Qrupunda ağız boşluğu problemlərinin müalicəsinin effektivliyini artırmaq üçün yeni material və çatdırılma formalarından istifadəyə diqqət yetirir. Dr. Stilin materialşünaslıq, dərman çatdırılması və regenerativ tibb sahəsindəki təcrübəsi Colgate-in fiziki araşdırmalarına yeni istiqamət verib. Dr. Stil Kimya mühəndisliyi üzrə bakalavr dərəcəsini Kanadanın Kvins Universitetində, Materialşünaslıq üzrə doktorantura dərəcəsini isə London, Birləşmiş Krallıqda yerləşən İmperial Kollecdə almışdır. 2018-ci ildə Colgate-də işə başlamazdan əvvəl Cozef Nyu Cersinin Biomateriallar Mərkəzində 3D Çap və Bioplotinq mövzusunda araşdırma apararaq doktorantura sonrası araşdırmasını həyata keçirmiş və İsveçin Karolinska İnstitutunun Biomateriallar və Regenerativ Tibb Tədqiqatları şöbəsinin yaradılmasına kömək etmişdir. Cozef materialşünaslıq sahəsində 20-dən çox elmi məqalə yazmışdır. Cozef 2015-ci ildə doktorluq dissertasiyasını qeyd etmək üçün Elm, Texnologiya, Mühəndislik və Riyaziyyat (STEM) sahəsində ali təhsilin təşviqi məqsədilə doğulduğu şəhərdə illik təqaüd təsis etmişdir.